曲綫宣傳？的士抗議後Uber App登下載榜No.1

這邊廂Call車Apps大行其道，那邊廂的士業界叫苦連天，矛頭更直指Uber及GoGoVan等應用程式搶飯碗。為保生計，的士業界決定發起遊行抗議。

曲綫宣傳奏效　Uber下載排名登榜首

之不過，抗議聲音未能博取全民支持，反而曲綫為這些應用程式造勢宣傳。Uber及GoGoVan兩個Apps的於智能手機應用程式的下載排名，於過去兩日突然抽升，其中Uber更登上蘋果App Store香港下載首位。

根據Apps數據分析網站App Annie，提供豪華房車、的士及貨Van叫車服務的Uber，其下載排行於過去一個月逐步上升，於上周五的排名17位，躍升至榜首位置。至於專攻貨Van市場的本地 App GoGoVan，其排名亦於過去兩日，由54位躍升至35位。

▲ 根據Apps數據分析網站App Annie，Uber的下載排名已躍升至榜首位置。（圖片來源：App Annie）

的士業界叫苦　未獲市民同情

「全港的士關注非法載客取酬大聯盟」昨天發起過百輛的士慢駕抗議，今日多個的士團體亦到立法會出席公聽會，指控Uber及GoGoVan出現私家車（俗稱白牌車）及貨Van載客情況，認為政府執法不力。不過觀乎網上言論，網民多站初創企業一邊，有人指Uber服務好過的士，亦有人認為的士都要與時並進。

「棠哥」facebook 挖苦　的士司機自討苦吃

藝人區錦棠更在Facebook大數一些的士司機不是，指他們「嫌棄你遠、嫌棄你近、嫌棄你阻佢交更、全程黑你面、唔打燈左穿右插、全程開著六部電話分別對答」。他更指如不是的士抗議，「從來都唔知香港有Uber」，表示「唔該哂」。

阻人搵食，罪大惡極。
白牌車？你估仲係六七十年代呀？

 

而且好似運輸署溫馨提示話齋，白牌車係無牌經營、冇第三者保險，有咩事貴客自理，而且最大鑊就係，你上咗架車即係犯法，明知道錯都做，即係尋釁滋事，於法不容！

▲ 藝人歐錦棠「多謝」的士司機令他認識 Uber。（相片來源：歐錦棠facebook個人網頁）

所以，大家應該繼續容忍嗰啲嫌棄你遠、嫌棄你近、嫌棄你阻佢交更、全程黑你面、唔打燈隨時左穿右插、全程開着六部電話分別對答嘅的士司機，因為佢地先至攞正牌。

 

樹大有枯枝梗㗎啦，應該強烈要求運輸署同警方嚴正執法，維護正牌的士名聲！以後逢係見到有拒載、揀客，駕駛不當，即刻抄低牌報警。不過放心，以上都一定係極小撮害群之馬嘅所作所為，我相信所有身家清白嘅的士司機，一定同佢哋劃清界線。

話時話，我從來唔知香港有Uber，經佢哋咁樣嘈一嘈，唔該晒。